Laughter- الضحك part 2

 

نيجي بعد كده لنقطة مهمة وهي عدوي الضحك

عمرك سمعت عن "عدوي الضحك- Laugh Infection" ؟..

في بعض الدراسات اثبتت أن عدوي الضحك بتكون أقوي وأسرع من عدوي الأمراض نفسها وإن دماغك بتستجيب لأصوات الضحك اللي حواليك بإنها تخلي عضلات الوش تغير من وضعها فتقوم ضاحك كده لوحدك..فلو أنت قاعد في مكان ما وشوفت شخصين بيضحكوا من غير ما تعرف سبب الضحك..في الأغلب هتلاقي نفسك بتبتسم لوحدك ودي حاجه بتأكد إن الضحك مُعدي فعلًا.

وإن زي ما بتتكلم مع شخص كتير وتلاقي نفسك بتعكس سلوكه وتنسخ نفس كلماته فالموضوع بيطبق علي الضحك كمان..

وبعيدًا ان الضحك ممكن يكون ناتج للحس الفكاهي لكن في بعض الأحيان بيكون تعبير لاشعوري عقلك بيقوم بيه بأنك عايز توصل حاجه معينة.. زي إنك تضحك علي حد قال حاجه مش بتضحك فبيكون توصيل للإعجاب بالشخص..فالضحك جزء مهم جدًا من النطق الإجتماعي غير اللغة

وننهي كلامنا بإننا ليه بنضحك اصلًا!

هي ليها أسباب كتير وأهم اتنين وأولهم: 

✅ ١- عشان نقدر نتواصل مع بعض ونحقق قدر عالي من المشاركه ومنحسش بالوحدة..لأن  مشاركتك للضحك مع شخص عن طريق صورة أو حديث بينكم أو أي شكل ده بيقوي الرابطة ما بينكم من غير ما تاخد بالك

✅ ٢- نقلل من وجود أمراض كتير ونحد من الإجهاد عشان الضحك بيقلل من التوتر الجسدي وبيرخي العضلات وبيساعدك بنسبة كبيرة إنك تكون هادي وبالتالي قدرتك علي الإنجاز بتبقي أكبر

وعشان كده عزيزي القارئ اللي وصلت لحد النقطة دي

أحب أقولك انك متبطلش ضحك وانه كما قال الفنان محمد هنيدي في فيلم "يا أنا يا خالتي"

عايزين نفرفش يا ببلاوووي💃